A primeira saída do 2025 do programa ‘Guitiriz en Ruta’ reúne a 26 participantes na contorna do Muíño da Ruxida

31/03/2025

O domingo 30 de marzo celebrouse a primeira saída da sétima edición do programa ‘Guitiriz en Ruta’, que deu comezo este 2025 coa Ruta do Muíño da Ruxida nunha xornada inmellorable para a práctica do sendeirismo.

En total, participaron 26 persoas neste percorrido de 11 quilómetros con saída e chegada na Modia, na parroquia de Vilar. Os e as participantes atravesaron os montes das parroquias de Vilar, As Negradas e Parga ata chegar ao Muíño da Ruxida, onde emprenderon a volta polo Camiño Norte de Santiago.

Ademais, as persoas participantes fixeron tamén parada no xacemento do epipaleolítico de Pena Xiboi, onde recibiron unha explicación sobre o lugar por parte dunha técnica de Turismo do Concello que participou no percorrido.

A próxima saída do ‘Guitiriz en Ruta’ está programada para o domingo 27 de abril, cun percorrido pola contorna do Río Mera en Lugo.

O artigo A primeira saída do 2025 do programa ‘Guitiriz en Ruta’ reúne a 26 participantes na contorna do Muíño da Ruxida publicouse primeiro en Concello de Guitiriz.